Bragðmikill kjúklingabauna réttur

2 dósir niðursoðnar kjúklingabaunir

Ólívuolía í steikingu

2 laukar, fín saxaðir

225 g tómatar, fín saxaðir

1 matskeið af hverju eftirfarandi kryddi:

Kóriander, cumin,  fenugreek, kanill

2 stk grænt chilli, fín saxað

ca 2,5 cm fersk engiferrót, röspuð

4 msk. sítrónusafi

Salt

Hita olíu, skella lauknum á pönnuna og steikja létt smá stund, bæta við tómötum og steikja áfram við meðal hita. Bæta útí kóriander, cumin, fenugreek og kanil og síðan kjúklingabaununum ásamt safanum af þeim og vatni til viðbótar þannig að samtals mæli vökvinn 350ml. Salta og láta síðan malla í 20 mín. Blanda saman í skál sítrónusafa, engifer og chilli.  Þessu er bætt útí eftir 20 mínútna suðuna og látið samlagast smá stund. Þá er bara að bera þetta fram með góðum hýðishrísgrjónum eða grófu kúskús (quinoa kúskús alveg frábært). Salat er svo alltaf nauðsyn.

Uppskrift frá Sigurlaugu Gísladóttir

Nachossúpa

3-5 saxaðir laukar
2-3 hvítlauksrif pressuð
1 chillipipar saxaður
1 flaska Granini tómatsafi (1 flaska = 0,75dl)
5 dl kjúklingasoð,
5 dl kjötsoð , heitt vatn og kjötteningur, nauta eða lamba
1-2 tsk. cumin eða kóriander
2 tsk worchester sósa
1 tsk chillipipar eða chilliduft

1 tsk kaninpipar eða venjulegur pipar 
2 dósir maukaðir tómatar
1 kjúlli brytjaður niður eða 4 - 6 bringur ( léttsteiktar ) já eða kjúklingaafgangur, gott að brytja kjúklingaafganga og eiga í frysti og setja svo út í súpuna þegar við á.

Steikja laukinn (mýkja) ásamt hvítlauki. Allt sett í pott.
Súpan látinn sjóða í 2-3 klukkutíma
Kjúllinn settur útí síðasta klukkutímann.

Rifinn ostur, sýrður rómi, nachosflögur og guacomole sett út í súpuna.... eða hvað sem fólk vill

Kjúklingaréttur með sólþurrkuðum tómötum
 (mjög góður)

3-6 kjúklingabringur
250 gr. sveppir
Gulrætur eftir smekk
3-4 hvítlauksrif
1 dós rjómaostur með sólþurkuðum tómötum
1/2 - 1 dós sólþurkaðir tómatar (í krukkur)
1/4 liter rjómi
svartur pipar
1 stk. teningur kjúklingakraftur

Bringur steikar á pönnu. Upp úr olíu og olíu af tömötunum.
Sveppir, gulrætur og hvítlaukur steikt á pönnu.
Rjómaosturinn bræddur í rjómanum . 
Kryddað (svartur pipar - kjúklingakraftur).
Allt sett í eldfast mót og inn í ofn í ca. 30 mín.

V E R Ð I Y K K U R AÐ G Ó Ð U !

Meðlæti hrísgrjón, hvítlauksbrauð og salat


Uppskrift frá Önnu S.Sigurðardóttir

Kalt sumarpastasalat

f.6-8

250 g pastaskrúfur
250 g pastafiðrildi
1 dós grænarbaunir  litla dós
1 dós sveppir
1 dós túnfiskur í vatni
steinselja, fersk eða þurkuð.

Sjóðið pastað samkv.leiðb. Hellið vatni frá  og kælið. Hellið vökvanum af baununum, sveppum og  túnfiski og blandið öllu varlega saman við kallt pastað í stórri skál. Látið standa í kæli á meðan sósan er útbúin.

SÓSA

11/ 2 dl. majónes
má vera létt majónes
3/4 dl. olía
1/2 smátt saxaður laukur
2 smátt söxuð hvítlauksrif
4 msk sítrónusafi
2 tsk. hunang
1 tsk. karrý

Blandið öllu samaní skál og hrærið hratt og vel með handþeytara. Ef sósan er of þykk má þynna hana með safanum af túnf.baununum eða sveppunum. Það má líka setja smá rjóma eða sýrðan
rjóma saman við ef vill. Allt eftir smekk.
Hellið sósunni yfir pastasalatið og blandið varlega saman. Stráið steinselju yfir í lokin.

Mjög þægilegt og fljótlegt.  

Uppskrift frá Ragnhildi Ragnarsdóttir

Kryddhjúpuð hörpuskel með hvítlauksmauksósu

300-400 g hörpuskel
2 msk mynta, smátt söxuð
2 msk kóríander, smátt saxað
2 msk steinselja, smátt söxuð
1 msk límónubörkur, ysta lagið, rifið
2 msk rasp
Salt og nýmalaður pipar
2 msk olía

Setjið allt nema olíu í skál og blandið vel saman. Þræðið síðan hörpuskelinni upp á spjót.

Hvílauksmauksósa.
1 l vatn
1 tsk salt
1 heill hvítlaukur, skrældur
1 ½ dl rjómi
Salt og nýmalaður pipar

Setjið vatn í pott  ásamt salti og hleypið suðu upp. Bætið við hvítlausksgeirum út í, látið sjóða með í 10 sek, veiðið þá síðan upp úr og snöggkælið í köldu, rennandi vatni. Endurtakið 5 sinnum. Setjið hvítlaukinn og rjóma í pott og látið sjóða saman í 1 mín. Hellið þá úr pottinum í matvinnsluvél og maukið vel, einnig má nota töfrasprota. Setjið hvítlauksrjómann aftur í pottinn og sjóðið þar til rjóminn fer að þykkna. Smakkið til með salti og pipar. Steikið hörpuskelspjótin í olíu á vel heitri pönnu í 1 mín (eða skellið á grillið). Veltið spjótunum um á meðan.

Berið fram með sósunni, salati og góðu brauði.

Ostakex með sesamfræjum
20-22 kökur

120 gr smjör, mjúkt
100 gr hveiti
100 gr gráðostur eða daneblu-ostur
200 gr sesamfræ

Hrærið smjör og hveiti saman í hrærivél. Myljið ost út í og hrærið vel saman, kælið. Í 1 klst. Hitið ofninn í 180°c. Mótið kúlur úr deiginu og veltið þeim upp úr sesamfræjum. Þrýstið  létt ofan á kúlurnar með fingrunum og raðið á bökunarpappír.
Bakið í 10-12 mín. Kælið.

Marensterta með karamellubráð
8-10 sneiðar

5 eggjahvítur
100 gr Dansukker púðursykur
100 gr Dansukker strásykur
80 gr kornflögur, gróft muldar
5 dl rjómi, þeyttur
Karamellubráð:
2 dl rjómi
80 gr púðursykur
3 msk síróp
30 gr smjör
1 tsk vanilludropar

Hitið ofninn í 150°c. Þeytið eggjahvítur og báðar tegundir af sykri saman í 4-5 mínútur. Eða þar til þær verða stífar. Bætið kornflögum út í og blandið með sleikju. Smyrjið 24 cm smelluform eða fóðrið með smjörpappír og skiptið deiginu á milli formanna. Bakið í 1 klst. Takið úr formunum og kælið. Þeytið rjóma og setjið á milli botnanna.
Sjóðið 2 dl af rjóma, púðursykru og síróp saman þar til úr verður þykkur massi, þetta tekur u.þ.b. 10 mín. Takið pottinn af hellunni og bætið smjöri út í. Braðbætið með vanilludropum. Kælið karamellubráðina örlítið og hellið síðan yfir kökuna.

Gestgjafinn 17.tbl 2008

Roastbeef með piparrótarsósu

1 ½ kg nautainnralæri
Salt og nýmalaður pipar
2 msk olía
Kryddið innralæri með salti og pipar og steikið í olíu á vel heitri pönnu á öllum hliðum þar til það er orðið fallega brúnt. Setjið kjötið inn í 120°c heitan ofn í 45 mín. Kælið. Skerið í þunnar sneiðar og berið fram með piparrótarsósu og t.d. steiktum lauk, sýrðum agúrkum og salati.

Piparrótarsósa:

2 dl majónes
2 dl sýrður rjómi
1 tsk hunang
1 msk sítrónusafi
1-2 msk piparrótarmauk
½ tsk salt
Setjið allt í skál og blandið vel saman

Reykt silungamús
Fyrir 4-6

350 gr reyktur silungur
3 msk ferskt dill
2 msk steinselja
¼ rauðlaukur, gróft skorinn
170 gr létt-rjómaostur
½ Boursin hvítlauksostur
3 msk sýrður rjómi
1 msk sítrónusafi
Svartur pipar
2 agúrkur

Skerið silunginn í grófa bita. Saxið kryddjurtir og setjið síðan öll hráefnin nema agúrkur í matvinnsluvél og maukið mjög vel. Smakkið blönduna til og kryddið með salti og pipar eftir smekk. Kælið blönduna. Setjið svo blönduna í rjómasprautu og skreytið á agúrkusneiðarnar eða kex.

Uppskrift úr gömlum Gestgjafa

Sítrónu-kartöflugratín með ólífum
Fyrir 4-6

6 msk. Ólífuolía
6 stórar kartöflur
1 lítil sítróna
3 litlir hvítlauksgeirar, saxaðir
2 tímíangreinar
Gróft salt
Svartur pipar
15 svartar eðalólífur
Hitið ofninn í 200°c og smyrjið ofnfast mót með 2 msk. Af ólífuolíunni.

Þvoið kartöflurnar vel, skerið þær í þunnar sneiðar og setjið í skál. Þvoið sítrónu vel og skerið í sneiðar, setjið í skálina ásamt hvítlauk og afganginum af olíunni. Bætið timíaninu við og kryddið vel með salti og pipar. Blandið öllu vel saman í höndunum. Raðið kartöflunum og sítrónunum í ofnfasta mótið og setjið ólífurnar ofan á. Bakið í u.þ.b. 40 mínútur og hrærið varlega í þegar tíminn er hálfnaður, bætið olíu í ef þarf. Berið fram í eldfast mótinu og kryddið eftir smekk.

Kanilsteikt epli með trönuberjum
Fyrir 4

2-3 epli
1 dl sykur
2 tsk. Kanill
2 msk.smjör
100 gr þurrkuð trönuber
1 dl eplalíkjör, romm eða eplasafi

Hitið ofninn í 180c. Skrælið epli og skerið þau í frekar þykkar sneiðar. Blandið saman sykri og kanil. Bræðið smjör á pönnu, veltið eplasneiðunum upp úr kanilsykrinum og steikið þær á báðum hliðum. Setjið sneiðarnar í ofnfast fat, hitið trönuber á pönnunni og hellið þeim yfir eplin. Hellið víni eða eplasafa í fatið og bakið eplin í 10-15 mín. Berið fram með mascapone sósu og skreytið með sykruðum appelsínuberki. Það er líka gott að bera eplin fram með hreinum mascarpone-osti.

Mascarpone-sósa:

2 msk flórsykur
2 eggjarauður
200 gr mascarpone-ostur
3 msk sætt eftirréttavín eða líkjör (má sleppa)

Hrærið vel saman flórsykur og eggjarauður. Hrærið mascarpone-ost aðeins til að mýkja hann og bætið síðan rjóma, víni og eggjablöndunni út í, hrærið vel saman.

Sykraður appelsínubörkur:

½ dl sykur
½ dl vatn
Börkur af 1 appelsínu

Hitið saman sykur og vatn þar til sykurinn er uppleystur. Rifið appelsínubörk i ræmur (gott er að nota áhald sem gerir mjóar ræmur) og sjóðið hann í sírópinu í 5-8 mín. Kælið

Brauðterta með MIlls-kavíar

1 gróft brauð, skorið í sneiðar eftir endilöngu, skorpa skorin frá
1 túpa af Mills-kavíar með rjómaosti, 170 gr
1 lárpera
2 msk.Philadelpia-rjómaostur
½ túpa Mills-kavíar
2-3 egg, harðsoðin og söxuð
150 gr surimi-krabbakjöt, saxað, takið nokkra heila bita frá til skrauts
½ agúrka, söxuð

Leggið eina brauðlengju á fat eða bakka. Smyrjið lagi af Mills-kavíar með rjómasti ofan á, notið u.þ.b. helminginn úr túpunni. Maukið lárperu gróft og blandið Philadelpia-rjómaosti saman við. Takið smávegis af lárperumaukinu frá til að setja ofan á tertuna og smyrjið síðan afganginum af því á brauðlengjuna. Leggið aðra brauðlengjuna ofan á. Smyrjið með Mills kavíar og dreifið söxuðum eggjuð yfir. Leggið lengju af brauði ofan á og smyrjið með afganginum af Mills kavíar með rjómaosti, setjið surimi-krabbakjöt og agúrku ofan á. Leggið eina brauðlengju ofan á að lokum. Smyrjið brauðtertuna að utan með sýrðum rjóma og þekið hliðarnar með söxuðu káli. Skreytið með lárperumauki, papriku, surimi og kirsuberjatómötum.

Skraut ofan á:
1 dl sýrður rjómi
¼ haus jöklasalat
40 gr klettakál
¼ gul paprika
¼ rauð paprika
Nokkrir kirsuberjatómatar

Hér er saxað kál sett á hliðarnar á brauðtertunni. Það gerir hana létta og skemmtilega og eftirleikurinn við skreytingu ofan á verður aðveldari.

Ostakaka

250 gr makkarónukökur
100 gr ísl smjör brætt yfir kökurnar og þjappað saman í botninn

200 gr flórsykur
1 dós rjómaostur
3 tsk vanillusykur
þetta hrært saman

1/2 lítri rjómi þeyttur blandaður saman við

krem:
150 gr súkkulaði brætt
1 dós sýrður rjómi
1 msk olía
þessu blandað saman og sett yfir kökuna

Verði ykkur að góðu auðvelt og fljótlegt

Uppskrift frá Hrefnu

Djúsí skalotlaukur
Skalotlaukur verður ótrúlega góður eldaður á grillinu.

300-500 gr skalotlaukur
Olía
Nokkrir tímíankvistir
Maldon-salt
Svartur pipar

Veltið skalotlauk upp úr olíu og leggið hann síðan á álpappír. Stráið tímíankvistum yfir og kryddið með salti og pipar. Pakkið lauknum vel inn í álpappírinn og grillið í 10-15 mín. Við meðalhita. Snúið þá pakkanum við og grillið áfram í 10-15 mín.

Mangó drykkur
Fyrir 4

1 mangó, skorið í bita
2 ½ dl kalt vatn
2 ½ dl jógúrt eða AB-mjólk
2 tsk hrásykur
Nýmalaður svartur pipar á hnífsoddi

Setjið mangó í matvinnsluvél eða blandara ásamt helmingnum af vatni og hrærið vel saman. Bætið jógúrti, sykri og afganginum af vatninu saman við og hrærið áfram þar til blandan er orðin mjúk og froðukennd. Hellið í glös, stráið pipar yfir og berið fram strax.