Gratinerað grænmeti

1 góður blómkálshaus

500 gr broccolí

1 góður púrrulaukur

1 rauð paprika

500 gr forsoðnar gulrætur

50 gr smjör

rifinn ostur

Grænmetið er þvegið og snyrt, skorið í hæfilega bita og raðað í eldfast mót, smjör og ostur sett yfir og gratinerað í ofni við 180-200°C.

Byggte

Hráefni:

1 dl Bankabygg

1 msk sítrónubörkur (af lífrænt ræktaðri sítrónu)

1 kanelstöng 

Aðferð:

Þetta er soðið saman í ca 1 l af vatni í minnst 15 mín.

Gott er að kæla þetta te með eplasafa. Byggið og börkinn má síðan nota í brauð eða matar­gerð. 

Til tilbreytingar er gott að setja smá bita af ferskum engifer útí.  

Birt með fullu leyfi Eygló hjá Móður Jörð

Indverskt Naan-brauð úr byggmjöli

Hráefni:

200 gr byggmjöl

250 gr hveiti

1 dós hrein jógúrt

1 msk hrásykur

1/2 msk salt

2 msk sesamfræ og 50 gr þurrger (eða 5 tsk lyftiduft, t.d. vínsteins­lyftidyft sem fæst í heilsubúðum)

Aðferð:

Leysið þurrgerið upp í 1 dl af vatni. Hrærið öllu hráefninu saman. Hnoðið deigið og rúllið því í lengju og skerið í 2 cm þykkar sneiðar. Fletjið í 1/2 cm þykkar sneiðar og steikið á pönnu eins og klatta. Berið fram með íslensku smjöri.

Birt með fullu leyfi Eygló frá Móður Jörð

Sykursöltuð bleikja á tvo vegu með lífrænu

 bankabyggi, blómkáli, pönnusteiktum humarhala,

 humarsósu og kryddjurtar-jógúrtsósu

Uppskriftin sem færði íslenska

kokkalandsliðinu gull á HM 2010

Forréttur fyrir 4

Sykursöltuð bleikja

1 Flak bleikja

50 gr Púðusykur

50 gr Sjávarsalt

Bleikjuflakið er hreinsað og roðrifið, púðusykri og salti er blandað og flakið grafið í blöndunni í 40 mín. Grafninginn er skoluð af flakinu, flakið er skorið í helming eftir endilöngu og það lagt saman og rúllað þétt í plastfilmu. Rúllan er elduð í lággufuofni í 23 mín við 42°c (einnig hægt að elda í vatni við sama hitastig).

Bleikju “tartar”

50 gr sykursöltuð bleikja

50 gr blómkál

4 greinar Dill

20 gr Kapers

30 ml reykt repjuolía

1 stk shallotlaukur

1 msk sítrónusafi

Smá salt

Bleikjan er skorin í litla bita, blómkálið er rifið fínt á rifjárni og blandað saman við bleikjuna. Dill, kapers og reykta olían er maukað saman í matvinnsluvél og blandað saman við bleikjuna. Að lokum er laukurinn fínt saxaður og honum blandað saman við og tartarinn smakkaður til með sítrónusafanum og saltinu.

Blómkálstoppar 

60 gr blómkálstoppar

1 msk repjuolía

1 tsp. Sherry edik

1 stk graslaukur

Blómkálstopparnir er snyrtir og bakaðir létt með olíunni og salti, þegar topparnir eru mjúkir viðkomu þá er þeir kældir og kryddaðir með edikinu og fínt söxuðum graslauk.

Blómkálsmauk

30 gr blómkál

20 ml rjómi

20 ml mjólk

1 msk brúnað smjör

Salt

Blómkálið er soðið í rjómanum og mjólkinni þar til það er orðið mjúkt þá er það maukað í matvinsluvél og smakkað til með smjörinu og saltinu

Bankabygg

60 gr Bankabygg

150 ml kjúklinga soð

40 gr Agúrka

40 gr Græn epli

4 tsb Sýrður rjómi

2 gr fínt rifinn piparrót

3 greinar saxað dill

1 stk saxaður shallotlaukur

1 tsk Sherry edik

1 tsk sítrónusafi

Bankabyggið er soðið við vægan hita í 30 mín og það síðan kælt. Agúrkan og eplið er skrælt, hreinsað og skorið í litla teninga. Þegar bankabyggið er orðið kalt er agúrkuni, eplunum, dillinu,shallotlauknum og sýrðarjómanum blandað saman við og það síðan kryddað til með piparrótinni, sherry edikinu og sítrónusafanum.

Kryddjurtar jógúrt dressing

25 gr Grískt jógúrt

10 gr Spínat

4 greinar steinselja

1 tsk Sherry edik

1 tsk sítrónuisafi

1 tsk rifinn sítrónubörkur

Spínatið og steinseljan er blanseruð í sjóðandi vatni í 10 sek. Og það síðan snögg kælt í klakavatni. Jógúrtin, spínatið og steinseljan er maukað saman í matvinsluvél og síðan kryddað með sherryedikinu, sítrónunni og saltinu. Dressinginn er að lokum sígtuð í gegnum fínt sigti.

Humarsósa

1 stk shallotlaukur

100 ml hvítvín

4 stk skel af humrinum

1 L humarsoð

20 ml rjómi

1 msk smjör

Salt

2 msk sítrónusafi

1 stk hvítlauksgeiri

Laukurinn, hvítlaukurinn og humarskelin er er brúnaður í potti, hvítvíninu er bætt út í potinn og það soðið niður um helming, þá er humarsoðinu bætt í potinn og það soðið niður við vægan hita í 1 klst. Sósan er sigtuð og sett eftur í potinn ásamt rjómanum og soðinn í 20 mín til viðbótar. Að lokum er smjörinu þeitt saman við sósuna með töfrasprota og sósan smökkuð til með sítrónusafanum og salti.

Pönnusteiktir humarhalar

4 stk humarhalar

Olía til steikingar

1 tsk hvítlauksolía

salt

Humarinn er pillaður úr skelinni og hann steiktur í olíunni. Humarinn er síðan kryddaður með hvítlauksolíunni og salti.

Kryddjurtarsalat

2 greinar Dill

2 stk graslaukur

2 greinar kerfill

4 stk Afilla baunaspírur

repjuolía

Salt

Kryddjurtinar skolaðar og pillaðar frá stilknum, að undanskildnum graslauknum sem er fínt saxaður. Kryddjurtunum er blandað saman og þær kryddaðar meðsalti og smá olíu.

Söl duft

20 gr íslensk söl

Sölin eru þurkuð í ofni í 30 mín við 150°c og þær síðan muldar í kaffikvörn

Þurrkað rúgbrauð

20 gr rúgbrauð

repjuolía

Salt

Rúgbrauðið er rifið fínt í rifjárni og það blandað með smá olíu og salti. Brauðið er þurkað í ofni í 15 mín við 150°c.

Þegar undirbúningnum er lokið er bleikjunni skipt í fjóra jafn stóra skamta, bygginu er þjappað í ferning sem skiptir disknum nokkurnveginn í tvent og bleikjan lögð ofan á byggið. Bleikjutartarnum er þjappað í form hægra meginn við byggið og blómkálstoppurinn setur ofan á tartarinn. Fyrir framan tartarinn kemur lítill vöndur af kryddsalati ásamt dressingunni og top af blómkálsmaukinu. Vinstrameginn við byggið kemursvo humarinn og humarsósan sem er þeitt með töfrasprota þar til hún freiðir fallega. Að lokum er þurkaða rúgbrauðinu stráð yfir bleikjuna ogsölduftinu stráð yfir kryddsalatið og blómkálsmaukið.

Birt með fullu leyfi Eygló frá Móður Jörð